Sustainable Development Goal (SDG) Champion

Roghnaigh an Roinn Comhshaoil, Aeráide agus Cumarsáide Iarnród Éireann Irish Rail mar Churadh na Spriocanna Forbartha Inbhuanaithe (SDG) do 2023/24, mar cheann de 26 eagraíocht ar fud na sochaí a bheidh aitheanta mar cheannairí chun dul chun cinn na hÉireann i dtreo Spriocanna Forbartha Inbhuanaithe na Náisiún Aontaithe (SDGanna) a bhrú chun cinn.

In Iarnród Éireann Irish Rail cuireann muid an inbhuanaitheacht ní hamháin i gcroílár na seirbhíse agus an bhonneagair a chuirimid ar fáil, ach freisin i gcroílár an tslí ina ndéanaimid iad a sheachadadh. Agus muid ag obair le bheith mar chnámh droma don líonra náisiúnta iompair inbhuanaithe, táimid ar bís comhoibriú, foghlaim agus ár gcuid léargais féin a roinnt leis na Curaidh roghnaithe agus muid ag iarraidh na SDGanna a ionchorprú inár n-oibríochtaí laethúla.

Mar churadh SDG ní mór dúinn:

A bheith mar thacadóir do na SDGanna agus an clár oibre um athrú aeráide a bhaint amach.

Gníomhú mar dhea-shampla den chaoi ar féidir le heagraíocht nó grúpa cuidiú leis na SDGanna a bhaint amach agus iad a chomhtháthú ina gcuid oibre nó gníomhaíochtaí (rud a dhéanaimid ár ndícheall a bhaint amach gach lá)

An fhoghlaim agus an taithí a roinnt le daoine eile chun cabhrú leo cur leis na SDGanna a bhaint amach

Is féidir leat tuilleadh a léamh ar na SDGanna agus ar Éirinn anseo: gov.ie/sdgs/ nó níos mó ar na Náisiúin Aontaithe agus ar na SDGanna anseo: sdgs.un.org/goals

Athlíon Do Bhuidéal sula ndéanann tú taisteal

Laghdaigh d'úsáid phlaisteach

Mar cheannródaí ar iompar inbhuanaithe agus Curadh SDG bródúil tá Iarnród Éireann Irish Rail tiomanta do thacaíocht a thabhairt dár gcustaiméirí chun roghanna inbhuanaithe a dhéanamh agus ár seirbhísí á n-úsáid.

Tá aonaid uisce Ecofill againn anois ag ocht gcinn de na stáisiúin is gnóthaí atá againn. Dáileann na haonaid gan tadhall seo uisce óil den chaighdeán is airde, scagtha faoi thrí, agus tarlaíonn an scagadh UV deiridh de réir mar a dháiltear an t-uisce ó gob an aonaid díreach isteach i do bhuidéal.

Molaimid do chustaiméirí a mbuidéal féin a thabhairt leo agus a athlíonadh sula dtéann tú ag taisteal. Trí úsáid a bhaint as na haonaid Ecofill chun buidéil a athlíonadh seachas roghanna plaisteacha a cheannach tá tú ag cur le pláinéad níos glaine agus todhchaí níos fearr.

Seo thíos na stáisiúin ina bhfuil aonaid dáileacháin uisce; roghnaíodh na stáisiúin seo toisc go bhfuil líon na gcustaiméirí is airde acu agus mar sin an féidearthacht is mó chun úsáid plaisteach ar ár seirbhísí a laghdú, tá pleananna i bhfeidhm chun na haonaid uisce seo a rolladh amach chuig níos mó stáisiún amach anseo.

Stáisiún Uí Chonghaile
Stáisiún na bPiarsach
Heuston
Dún Dealgan
Baile Átha Luain
Gaillimh
Trá Lí
Cill Airne

Gach 60 soicind díoltar 1 milliún buidéil phlaisteacha ar fud an domhain, déantar níos lú ná 10 faoin gcéad den phlaisteach a tháirgtear a athchúrsáil, faoi láthair déantar 11 milliún tonna méadrach de phlaisteach a dhumpáil isteach san aigéan gach bliain, agus meastar go dtiocfaidh méadú faoi dhó ar an bhfigiúr seo faoi 2030 agus beagnach faoi thrí faoi 2040. * Níl sé seo inbhuanaithe do thodhchaí ár bplainéad. Ar aghaidh linn chun ár n-úsáid as plaisteach a laghdú!

Faigh amach faoi aonaid Ecofill agus an t-uisce den scot scagtha faoi thrí a dháileann siad.

Is féidir leat níos mó a fhoghlaim ar ár ngníomhaíochtaí inbhuanaitheachta comhshaoil anseo.