Inbhuanaitheacht Timpeallachta

Táimid ag trasfhoirmiú ár ngnó chun tionchair ar an dtimpeallacht a íoslaghdú agus chun na tairbhí don timpeallacht a uasmhéadú. Tá roinnt bealaí ann chun ár spriocanna a bhaint amach:

Dícharbónú an Iarnróid

Tá ról mór ag an iarnród maidir le spriocanna dícharbónaithe iompair a bhaint amach faoi Phlean Gníomhaíochta Aeráide an Rialtais. Tá sé de fhreagracht orainne ár n-ídiú fuinnimh agus ár dtionchar ar an dtimpeallacht a íoslaghdú, chomh fada agus is féidir. Tá laghduithe astuithe an iarnróid a baineadh amach ó 2006 ag breis agus 40 faoin gcéad go mór chun tosaigh ar sprioc 20 faoin gcéad an AE do 2020. 

I measc na dtionscnamh dícharbónaithe atá á leanúint againn san fhadtéarma tá, laghdú ar ídiú breosla an flít díosail, sna flíteanna atá ann cheana; beidh gach flít amach anseo ina flít feithiclí bóthair leictreacha nó hibrideacha, atá lán-leictreachais; caighdeán tógála fuinnimh beagnach nialas a bhaint amach i ngach foirgneamh nua agus 140 foirgneamh atá ann cheana a uasghrádú go dtí rátáil BER B íosta; an Clár DART+ a sheachadadh a dhéanfaidh leictriú an líonra i Mórcheantar Bhaile Átha Cliath faoi thrí agus a dhíreoidh ar fhuinneamh tarraingt agus áirgiúlachta 80 faoin gcéad ó fhoinsí in-athnuaite.

Is féidir leat tuilleadh sonraí a léamh faoinár bplean dícharbónaithe inár Straitéis Inbhuanaitheachta 2021 – 2030.

Athrú Aeráide agus Athléimneacht Iarnróid

Is féidir go gcuirfí isteach ar an líonra iarnróid throm le linn imeachtaí aimsire atá ag méadú le deich mbliana anuas. Táimid ag obair go dian chun athléimneacht an líonra a mhéadú. Áirítear le roinnt gnéithe dár n-oiriúnú aeráide bonneagair; forbairt agus seachadadh ár gClár um Chosaint Iarnróid an Chósta Thoir chun a chinntiú go bhfuil ár n-iarnród athléimneach ar an gcósta Thoir athléimneach i gcoinne tionchair an athraithe aeráide; bearta chun tuilte a chosc agus a mhaolú, clár cothabhála agus athnuachana bonneagair bhliantúil agus cúltaca soláthairtí leictreachais don DART agus comharthaíocht.

Bainistíocht Timpeallachta

Tá ranna Iarnród Éireann a bhfuil tionchar suntasach timpeallachta acu deimhnithe go dtí an caighdeán idirnáisiúnta um Bainistíocht Timpeallachta (ISO 40001:2015). Tá sé de fhreagracht orainne tionchar ár ngníomhaíochtaí ar an dtimpeallacht a íoslaghdú, chomh fada agus is féidir, agus ár n-ídiú acmhainní nádúrtha a laghdú.

Áirítear le roinnt príomhthionscnamh leanúnach timpeallachta, dí-éilliú príomhláithreán agus cleachtais agus bonneagar breoslaithe feabhsaithe; bearta maolaithe torainn, feabhas a chur ar cháilíocht an aeir laistigh de stáisiúin, laghdú ar úsáid lotnaidicídí agus pleananna bainistíochta uisce do gach ceann dár láithreacha.

Tá tuilleadh eolais ar ár ngníomhartha bainistíochta timpeallachta le fáil sa Straitéis Inbhuanaitheachta 2021 – 2030 nó féach ar ár mBeartas Timpeallachta Iarnród Éireann Irish Rail le haghaidh tuilleadh faisnéise.

Bainistíocht Dramhaíola agus Geilleagar Ciorclach

Táimid tiomanta d’ “Ár ngnó a athrú chun tionchair ar an dtimpeallacht a íoslaghdú agus an leas is fearr a bhaint as, ag cosaint ár dtimpeallacht agus ag cur le bithéagsúlacht; agus tosaíocht a thabhairt do thionscnaimh gheilleagair chiorclaigh agus do bhainistíocht dramhaíola”.

Chun roinnt fíor-shamplaí a thabhairt, ciallaíonn sé seo go dteastaíonn uainn, faoi 2030, athchúrsáil 70 faoin gcéad ar gach dramhaíl, ginearálta agus tógáil; go dtiocfaidh 25 faoin gcéad dár gceannachán amhábhar ó fhoinsí athchúrsáilte; gach conradh maidir le diúscairt trasnáin ar conradh chun tosaíocht a thabhairt d'athúsáid ábhair; agus cruthóimid próiseas soláthair níos inbhuanaithe ina n-iarrann sonraíochtaí conartha móra roghanna eile glasa agus ina n-ionchorpraítear i meastóireachta tairisceana ualú atá i bhfabhar na roghanna eile sin.

Is féidir leat tuilleadh a léamh ar an nGeilleagar Ciorclach sa Straitéis Inbhuanaitheachta 2021 – 2030.

Bithéagsúlacht a Chosaint agus a Fheabhsú

Cé go bhfuil Iarnród Éireann freagrach as líonra iompair atá sábháilte, iontaofa agus inbhuanaithe a sholáthar dá phaisinéirí, tá sé ríthábhachtach na tírdhreacha agus na huiscebhealaí éagsúla taobh leis an líonra iarnróid a chosaint. Mar chuid de thiomantas leanúnach Iarnród Éireann don timpeallacht, tá roinnt clár ar bun againn atá dírithe ar fheabhsú na bithéagsúlachta agus ar chosaint na timpeallachta nádúrtha.

I measc na dtionscadal tá rudaí mar infheistíocht in athfhoraoisiú, ár gclár pailneoirí, gairdíní glasraí i stáisiúin, bainistíocht fásra agus cosaint speiceas. Is féidir tuilleadh faisnéise a fháil inár dTreoirlínte Bithéagsúlachta, an lámhleabhar tagartha a úsáideann ár gcomhghleacaithe bonneagair chun a chinntiú go ndéanann na hoibreacha riachtanacha go léir a dhéantar ar an líonra iarnróid an t-éiceachóras iomlán ag aon láthair a mheas agus a chinntiú go ndéantar oibreacha gan cur isteach ar nó tionchar a bheith acu air ar an dtimpeallacht mórthimpeall..